«Величай, душе моя, преславное рождество Божия Матере.

Грядите, вернии, Духом Божественным радующеся, песньми почтим Юже от неплодове днесь Пришедшую, на спасение человеков, Приснодеву Отроковицу.

Боговместимая Отроковица и Богородица чистая, Пророков слава, Давидова дщи, днесь раждается от Иоакима и Анны целомудренныя, и Адамова клятва яже за нас потребляется рождеством Ея.

От неплодныя старицы, престарелыя Анны, жизнь и свет возсия — всенепорочная Отроковица, дверь Востока (Христа), свет концем воссиявшая неизреченно: лик (хор) составльше, ублажим Ю, яко земных превышшую.

Радующеся днесь, с веселием воспоим Божественное Рождество Богоматере, ибо роди Радость вселенней, печаль праматере потребляющую.

Рождение честно Девы всесвятыя, Еяже ради обновися мир, жененными гласы почтим.

Ко Господу в скорби неплодства возопиша Богомудрии родителе Богоматере, и Сию в роды родов родиша, на общее спасение и похвалу. Анна Богомудренна истиною, гнездо птиче прежде видевши на древе, свое безчадие помянувши, вопияше: увы мне, Господи, Господи! Аз грешна едина обнищах плодотворения от Тебе. Тогда Человеколюбец Бог даде плод ей Деву, честнейшую всея твари.

Молитва купно и воздыхание неплодства и безчадства Иоакима и Анны благоприятное, во уши Господни вниде, и прозябе плод живоносен миру: ов бо молитву на горе творяше, ова же в сад поношение нашаше; но с радостию неплоды раждает Богородицу и Питательницу Жизни нашея.

Богомудрии родителе Богоматере прияша достоин небесный дар от Бога, самых Херувимов превышнее носило (Христово), Родительницу Слова и Зиждителя.

Всех спасение родисте, непорочно Богу пожившии, Богомудрии родителе Рождшия Зиждителя и Бога нашего.

Иоаким и Анна ублажаются, рождши блаженную, яве чистую Богоматерь, блаженное Слово рождшую, Совершающаго (Соделывающего) блаженны вся верныя.

О блаженная двоице! Вы всех родителей превзыдосте, яко твари всея Преимущую (Превосходящую) прозябли (родили) есте. Истинно блажен ecu, Иоакиме, таков вы Отроковицы быв родитель! Блаженна ложесна твоя Анно яко Матерь Жизни нашея прозябла ecu; блаженни сосцы, имиже воспитала ecu млеком Питавшую Питающаго всякое дыхание, Егоже молити вам, всеблаженнии, молимся, помиловатися душам нашим.

Блаженно чрево Аннино бысть: породи бо Хотящую во чреве вместити Блаженное и Невместимое Слово, возрождение всем верным подающее.

Благословенно чрево твое, целомудренная Анно: израстила бо ecu плод девства, Юже без Семене рождшую Питателя твари и Избавителя Иисуса.

Плакала ecu от души, яко безчадна рыдающи, отрочате желающи; но родила ecu Отроча, рода всего похвалу.

О чрево, вместившее Божие селение (Приснодеву)! О утробо, носившая небес Ширшую, престол мысленный, святый кивот священия!

Святая святых — Младенец во святем святилищи возлагается, воспитатися от руки Ангеловы: ecu убо верно спразднуем в рождестве Ея.

Хвалу Избавителю принесем Господу, от неплодове давшему нам Богородицу и едину Приснодеву.

Воспеваем Тя, Господи, подавшаго всем верным спасительное пристанище — Тебе Рождшую.

Слава Тебе, прославльшему неплодную днесь: роди бо от обещания (по обетованию) жезл присноцветущий, от негоже прозябе Христос, Цвет жизни нашея.

Всем жизнь источаяй Господь от неплодове произведе Деву, в Нюже вселитися изволи, по рождестве сохранив нетленну.

Сотворивый преславная неплодней утробе, отверзый Анны нераждающая ложесна и дав ей плод, Ты, Более Святый, Ты, Сыне Девы, Ты от сея плоти приял ecu, присноцветущия Девы и Богородицы.

Делателю мыслей наших и Насадителю душ наших, Ты, неплодную землю показавый благоплодну, Ты древле сухую соделал ecu родовиту, благокласну, бразду плодоношу (Анну святую) израстити пречистый плод (Богородицу).

Днесь, Иже на разумных престолех почиваяй, Бог престол свят на земли Себе предуготова; утвердивый мудростию небеса, Небо одушевленное человеколюбием Себе содела: от неплоднаго бо корене сад живоносен израсти нам — Матерь Свою — иже чудес Бог и ненадеющихся Надежда: Господи, слава Тебе!

Во благознамеиитый день праздника нашего вострубим духовною цевницею: Яже бо от Семене Давидова днесь раждается Мати Живота, тьму разрешающи, Адамово обновление и Евино воззвание, и нетления источник, тли пременение. Еяже ради мы обожихомся и от смерти избавлени быхом, и вопием Той с Гавриилом верный: Радуйся, Благодатная: Господь с Тобою, Тебе ради даруя нам велию милость.

Всемирная радость от праведных возсия нам Иоакима и Анны всепетая Дева, Яже премногия ради чистоты храм Божий одушевленный бывает, и едина воистину Богородица познавается; Тоя молитвами, Христе Боже, мир миру ниспосли и душам нашим велию милость.

Днесь да веселятся Ангельстии чини, песньми да ликуют сущий из Адама: родися бо жезл, возрастивший Цвет — Христа, единаго Избавителя нашего.

Да радуется небо, и земля да веселится: Божие бо небо на земли родися —Богоневестная, Сия от обетования; неплоды питает младенца Марию, и радуется о рождестве Иоаким, глаголя: жезл родися мне, из негоже Цвет — Христос прозябе из корене Давидова: воистину чудо преславно!

Небесная вся ныне радуются, человеческий род ныне празднует с ними, и Пророцы тайно вкупе веселятся: Юже бо предвидеша образне, в древних родех, купину и стамну (золотой сосуд с манной), и жезл, облак, дверь, и престол, и велию гору, раждается днесь.

Начало нашего спасения, людие, днесь бысть: се бо пронареченная от родов древних Мария и Дева, и приятелище Божие, от не/подове родитися происходит, цвет от Иессея, и от корене его жезл прозябе. Да радуется Адам праотец и Ева да веселится радостию. Да радуется Давид, бия в гусли, и да благословит Бога: се бо Дева происходит от утробы неплодныя ко спасению душ наших.

Сей день Господень, радуйтеся, людие: се бо Света чертог и книга Слова Животного (Слова Жизни — Христа) из утробы произыде и яже к востоком дверь (предсказанная пророком Иезекиилем),рождшися, ожидает входа Святителя Великого, едина и единого вводящи Христа во вселенную, во спасение душ наших.

Адаме обновися, и Ева возвеличися, Пророцы со Апостолы и праведными ликуйте: общая бо радость Ангелов и человеков возсия днесь от праведных Иоакима и Анны, Богородица Мария.

Да ликовствует вся тварь, да веселится же и Давид, яко от колена и от семене его произыде Жезл, Цвета носящи — Господа, Творца всяческих.

Играй, бряцай в гусль твою, боговдохновенне Давиде, и ликуй: се бо кивот, егоже древле провозвестил ecu, от неплодствующа чрева пройде, Царю твари и Богу соблюден.

Божественнии Пророцы, играйте, почитающе Рождество Девы: Та бо исполни проповедания всех, порождши Сказуемого вами Христа, всяческих Царя.

От неплодныя днесь Анны цвет произыде Богородица, исполняющи благовония Божественного вся концы мира, и радости всю наполняющи тварь, Юже поюще, достойно восхваляем, яко сущу земнородных превышшую.

Дева днесь и Богородица Мария, чертог неразоримый небесного Жениха, рождается от неплодныя Анны Божиею волею, колесница Божия Слова уготовльшися, на сие бо преднаречеся быти Отроковица и Мати сущия Жизни.

Днесь земля ликует, виде бо порождшееся новое небо Божие прекрасное, в нем же вселився плотию (Бог), возведет превыше небес человеки и обожит вся благостию.

Днесь Всенепорочная Чистая произыде от неплодове; днесь всяческая радуются в Тоя рождестве; Адам от уз разрешается, и Ева клятвы свободися; небесная вся веселятся, и мир человеком даруется; мы же славословяще вопием: слава в вышних Богу, и на земли мир, в человецех благоволение!

Из Троицких листков архиепископа Никона (Рождественского)